7/7

19歲啦陰公咁快就已經係1字頭最後1年..

細細個就想快d變大人大個左就掉反轉原來係真既..

不過呢1日我真係開心到暈!

事關成30人開船p順便幫我慶祝下咁!

不過遺憾在冇得玩wakeboard…

霍樂軒梁耀泰angei carly!!!

其實到目前為止尋日果d人之中仍然有幾個我係唔知佢叫乜名..

不過真係好多謝妳地既出席同所有人係fb比我既祝福!

當wincy叫我許3個原願既時候我真係諗唔到d乜..

所以最後我既3個願望有2個都係為人地許既!

或者過左AL後真係舒服晒令我無慾無求啦!

夜晚再出銅韓燒+反我度吹左陣呢1日就完了!

不過玩左成日係有代價嫁..

我晒到變燒豬不特只..

反工先最悽楚..

係倉做野唔覺意hi到d裝3既膠袋都痛到比火燒咁..

仲要今日成日都係個倉度執野..

完全係煎熬..

不過我已經好想快d可以再去玩啦!!

不如我地快d又搞多次啦!!!

今次要遊船河+釣墨魚直落丫!!!

緊張過後又回復反平時既生活啦!

對於自己既成績其實真係有d失望..

奈何自己唔爭氣..

呢年半自己有冇出過120%努力我自己知..

講到尾我只係覺得自己盡左8成至9成努力..

所以有呢個成績叫做接受到啦!

比起會考al既放榜真係完全2個心情!

緊張感只係得小小,,反應亦都冇ce果陣咁激動!

女友好友屋企既支持應該係我可以冷靜面對現實既關鍵!

Re-order又做埋啦!而家唯有再等729啦!

Science入唔到咪入其他lo!

話唔定同charlie做同學tim如果順利!

講完放榜講下工作啦!

我而家就係金百利地庫既izzue做個part time仔啦!

不過目前為止我既工作地點主要都係個倉!

始終冇sales經驗ma..

如果大家去過金百利izzue都會知道佢係分左2層1層男裝1層女裝!

初頭仲諗緊咁樣咪又淨係對住大量雄糾糾既客同同事?!

點知我居然被分派左落女裝!!!

情況即刻180度相反!

所有同事都係女仔!

但係我發現我對住咁多女仔係會有d淆嫁..

不過佢地真係好肯教我對我又唔錯!

所以而家做左2個幾星期都叫做混熟左d!

但係做女裝既壞處就係當我要serve d小姐既時候我係比唔到d咩確實意見佢嫁..

佢地問我點襯點襯我都唔多識答..

仲有就係d款好難記..

連好普通既背心都有成1x款我頂..

或者大家比較關心既係有冇discount..

其實part time就冇既不過我可以搵d同事幫我lo!

所以都係有6折嫁!

而我作為1個主要係倉度做野既part time,,

幫到妳地最多既可能就係係倉搵件至靚至乾淨摺得最好既衫比妳地!

如果要大量購買而又想享受呢個6折優惠既我只可以向full time同事乞求..

得閒既咪落黎睇下好唔好彩見唔見到我lo!

不過見到都可能只係做緊跑腿..

如果要serve妳地既我諗都要過多排/冇乜客既時候..

咁耐冇update個xg 1打就打左咁多!

多謝觀賞!!

連我自己都唔知做到岩唔岩..

我到底諗緊d乜著緊d乜..

Mock就考左1半na!

有冇把握我唔敢講..

講真黎到呢個階段我諗要關心既已經唔係溫唔溫得切

或者溫唔溫得晒..

如果仍然抱住讀書好辛苦既心態去溫..

我諗al出黎都唔會好好..

相反我覺得應該係每1日去享受自己努力過既成果!

每經過1日自己唔識既野又少左!

由細到大我對每1件事好似都抱住玩玩下既心態..

吊兒郎當絕對係我既缺點..

但係今次唔同na..

我真係好想好想可以好圓滿咁完成左個al!!

剩反個零2個月jama!

吳穎熙王志謀周耀鈞黃惠坤曾子雄梅驍峰

陳月影丘明怡黃梓恩鄭毓彤

各位兄弟姊妹努力丫!!!!

我岩岩係fb劉顯富個group見到d野笑左我勁耐!!

我係一位89年中五畢業既慈幼仔,我中一至中三劉sir係我既班主任.
仲記得中一個見家長日,劉sir同我呀媽講左一句:「余太,你知唔知我好想打鑊你個仔!」

哈哈哈哈劉sir妳係得既!